Við höfum hafið innflutning á Avenger dráttarvélum í samstarfi DK-TEC í Danmörku sem er okkar helsti samstarfsaðili.  Það er mikill styrkur í því að vera með öflugt bakland sem tryggir skjóta afhendingu á vörum og örugga afgreiðslu á varahlutum.  Í Danmörku eru vélarnar standsettar og prófaðar áður en þær eru afgreiddar til íslands.  Í fyrstu eru dráttarvélarnar í stærðinni 26hp með Mitsubishi diselvél en innan tíðar getum við boðið upp á stærri vélar.

Með Avenger dráttarvél opnast margir möguleikar til að takast á við verkefnin í sveitinni. Á www.hardskafi.is má sjá ógrynnin öll af tækjum til að setja á þrítengið eða framan á dráttarvélina.


Dráttarvél eða liðléttingur

Á næstunni hefjum við innflutning á Mammut liðléttingum í ýmsum stærðum og útfærslum, með eða án skotbómu. Í ýmsum tilvikum henta liðléttingar betur ef starfið snýst um tilfærslur á afmörkuðu svæði.  Þá skiptir máli að tækið sé meðfærilegt og lipurt.
Nokkrar útfærslur verða í boði til að byrja með  800 - 1200 kg lyftigetu. Vélbúnaður er ýmst frá Kubota eða Perkins og svo er ein útgáfan rafdrifin með 5 - 6 tíma endingu á hleðslu.  Það hentar vel ef vinna fer fram innanhús að miklu eða öllu leyti.


Vélbörur eða rafbörur

Rafbörur hafa sótt mikið á, en þær henta vel t.d. við gegningar og ýmsa erfiðisvinnu þar sem flytja þarf efni um lengri eða skemmri veg hávaðalaust og án mengunar um slóða eða stíga. Upp úr næstu áramótum verður úrvalið meira en áður.  Rafbörur á hjólum með ausu eða með flatpalli fyrir pakkaflutninga.  Vélbörur bensínknúnar á hjólum eða beltum með aða án mokstursbúnaðar.  

Venjulegar hjólbörur með hjálparmótor gera brekkurnar árennilegri og létt mörgum starfið mikið án þess að farið sé út í miklar fjárfestingar.